Shqipëria U-21 u mposht 2-1 nga Moldavia, në Tiraspol, në ndeshjen e fundit kualifikuese të Euro 2013, por portieri Stiv Frashëri priti dy penallti.
Moldavët fituan një penallti në minutën e 8-të, por Frashëri grushtoi penalltinë e gjuajtur nga Artiom Haceaturov, por ky i fundit shënoi në tentativën e dytë.
Portieri i Bylisit “kopjoi” Samir Ujkanin e Kombëtares së madhe, kur sërish priti në minutën e 15-të gjuajtjen Radu Ginsarit.
Petro Leuka dyfishoi shifrat për Moldavinë në minutën e 87-të, ndërkohë që Elvis Prençi shënoi me kokë golin e nderit në të 92’.
Kjo ishte ndeshja e fundit e Shpresave të Skënder Gegës, për eliminatoret e Europianit të kësaj moshe.
Në tetë ndeshje, Kombëtarja U-21 koleksionoi 1 fitore, 2 barazime dhe pesë humbje.
