Andi Ribaj shënoi qysh në minutën e 3-të për Apoloninë, por fierakët nuk shkuan më shumë se barazimi 1-1, edhe pse Kastrioti e mbylli takimin me dhjetë lojtarë.
Krutanët barazuan me anë të Seksenit në minutën e 15-të, ndërkohë që Cela u ndëshkua me karton të kuq në minutën e 60-të.
Për t’u veçuar është fakti se, trajneri zyrtar i Apolonisë, Ernest Gjoka, nuk ishte në bankinë, por në tribunë. Skuadrën fierake e drejtoi ndihmësi i tij.
Të premten, Skënderbeu fitoi 3-1 me Vllazinë në Shkodër, ndërsa po sot, Tirana fitoi 1-0 me Tomorin. Besa barazoi 1-1 në Lac.
Të dielën do të luhen takimet: Kukësi-Luftëtari, Bylis-Flamurtari dhe Shkumbini-Teuta.
