Elvin Beqiri, ish-mbrojtësi i Kombëtares u prezantua zyrtarisht si lojtar i Vllaznisë, me të cilën firmosi një kontratë dyvjeçare me Vllazninë.
Beqiri, 31 vjeç, i cili ka luajtur 47 ndeshje me ekipin Kombëtar, tha pas firmosjes së kontratës: “Vij tek Vllaznia për të dhënë maksimumin tim, për të bërë më të mirën. Vllaznia është gjithmonë pretendente dhe kështu do të jetë edhe sivjet. Vërej se drejtuesit e Klubit po punojnë fort për të bërë afrime cilësore”.
Drejtori sportiv, Armir Grima, vlerësoi afrimin e Beqirit, i cili ka luajtur me Vllazninë edhe në vitet 1999-2003, për t’u rikthyer sërish në 2008-2010.
Beqiri ka veshur edhe fanellat e Metalurg Donteskut në Ukrainë, Alania Vladikavkazit në Rusi, Makabi Tel Avivit në Izrael.
Për Vllazninë, Beqiri është blerja e katërt, pas Halim Begajt, kosovarit Ilir Nallbani dhe Ivan Deliçit
