Gega me Shqipëri të Madhe kundër Portugalisë

Trajneri Skënder Gega ka në dispozicion 18 lojtarë për të përballuar Portugalinë e vendit të dytë në grupin tonë (6), ku bëjnë pjesë edhe Polonia e Moldavia. 

Trajneri Gega ka thirrur një grup lojtarësh nga Shqipëria, Kosova dhe Maqedonia, duke ndërtuar kështu virtualisht “Shqipërinë e Madhe”, pasi pesë janë kosovarë (Sallaj, Brahimi, Fejzullahu, Bajraktari, Gashi) dhe një shqiptaro-maqedonas (Tahipi). Nga 18 futbollistët, 9 prej tyre luajnë në kampionatin shqiptar. 

Portugali-Shqipëri do të luhet në orën 22:00, në Marina Grande, dhe do të gjykohet nga greku Stavros Tristsonis. Ndeshja e parë në zhvilluar në “Niko Dovana”, përfundoi në barazim 2-2. Të dy golat e Shqipërisë u shënuan nga sulmuesi Armando Sadiku, i cili ndodhet në grupin aktual të lojtarëve dhe është shënuesi më i mirë i Shpresave, me 6 gola në pesë ndeshje. 

Pas kthimit nga Portugalia, Kombëtarja U-21 do të përgatitet për ndeshjen ndaj Rusisë (në Moskë), kryesueses së grupit tonë, e që ka marrë pikë të plota, 12, nga katër ndeshjet e para. Në ndeshjen e parë, të zhvilluar në “Niko Dovana”, Rusia fitoi 1-0 me një gol me penallti, pikërisht në debutimin e trajnerit Skëndër Gega, ky i fundit pasoi Artan Bushatin. 

Në pesë ndeshjet e deritanishme, Shqipëria ka grumbulluar 5 pikë: 1 fitore me Moldavinë (4-3), një barazim me Portugalinë (2-2), si dhe tri humbje: dy me Poloninë (3-0, 4-3) dhe një me Rusinë (1-0). 

EURO U-21

NDESHJET E SHQIPËRISË

Shqipëri-Poloni 0-3

Shqipëri-Moldavi 4-3

Poloni-Shqipëri 4-3

Shqipëri-Rusi 0-1

Shqipëri-Portugali 2-2

Portugali-Shqipëri 06.06

Rusi-Shqipëri 12.06

Moldavi-Shqipëri 06.09

RENDITJA

1 Rusia 4 12

2 Portugalia 5 8

3 Polonia 5 7

4 Shqipëria 5 4

5 Moldavia 5 3

LOJTARËT

Stivi Frashëri Bylis

Xhino Sejdo Tirana

Agonit Sallaj Biel-Bien

Leotrim Gashi Okser

Alfred Delliallisi Teuta

Albi Dosti Teuta

Bekim Balaj Tirana

Fabio Hoxha Vareze

Mërgim Barjaktari Thun

Bruno Dita Dinamo

Elvis Prenci Kukësi

Arbnor Fejzullahu Besa

Shpend Matoshi Kiaso

Gjelbërim Tahipi Shkëndija Tetovë

Gers Delia Zejtun Korinthias

Idriz Batha Partizani

Armando Sadiku Lokarno

Armando Vajushi Liteks Loveç

Mërgim Brahimi Grasshopers

Trajner: Skënder Gega