Federata Shqiptare e Futbollit do t’i kërkojë zyrtarisht UEFA-s dhe FIFA-s, dy “qeverive” futbollistike europiane dhe botërore, për të mos lejuar më kuotimin e ndeshjeve të kampionatin shqiptar në kompanitë e huaja të basteve, si një masë për të parandaluar përpjekjet për trukimin dhe fiksimi e rezultateve të ndeshjeve.

 

EFEKTI “CORNU”- Gjithçka është rrjedhojë e vizitës me tematikë të qartë të zyrtarit të lartë të Departamentit për Luftën Kundër Trukimit të Rezultateve në UEFA, ish-prokurorit zviceran Pier Kornu, dhe takimet e tij të personalizuara me anëtarë të Komisionit të Etikës pranë FSHF-së dhe Prokurorinë e Përgjithshme të Shqipërisë. UEFA është e shqetësuar seriozisht për trukimet e mundshme të ndeshjeve në kampionatet e niveleve të ndryshme të futbollit shqiptar dhe nga skuadrat shqiptare, kjo pasi në shumë ndeshje të kampionateve tona janë luajtur shuma astronomike.  

 

LISTË E GJATË - Në harkun e gjashtë muajve të fundit (dhjetor 2011-mars 2012), UEFA ka dërguar të paktën tri raporte në Federatën Shqiptare të Futbollit, ku në listën e gjatë të dyshimeve janë 26 ndeshje me rezultate të fiksuara, 18 prej tyre të klasifikuara si 100 për qind të trukuara nga departamenti i Sistemit të Zbulimit dhe të Mashtrimeve të Basteve, apo i njohur ndryshe si sistemi “radar”.

BETEJA ANTI-TRUKIM- Nisur nga akuzat, FSHF-ja ka vendosur te investohet fuqishëm ne betejën ndaj trukimeve ne futboll, duke bashkërenduar punën hetimore me Prokurorisë se Përgjithshme. Sipas sekretarit të përgjithshëm Eduart Prodani, vizita e fundit e zyrtarit te UEFA-s, Pier Korni, synon ti japë një ritëm te ri, betejës anti-trukim. Ndërkohe një beteje me vete, krahas asaj ligjore, do të jetë edhe ajo sportive.

 

AGJENDË E NGJESHUR - Për ketë arsye Prodani zbulon se Komisioni i Etikes do të ketë se shpejti një agjende mjaft të ngjeshur, teksa pritet të marrë në shqyrtim, përfaqësues të të gjitha klubeve te kampionatit, qe janë përfshire ne raportet e ardhura gjate këtij sezoni, nga sistemi radar i FIFA-s. FSHF ka konfirmuar gjithashtu vullnetin e saj për luftën ndaj trukimeve, me kërkesën e adresuar UEFA-s dhe FIFA-s për të mos lejuar kuotimin e ndeshjeve të kampionatit tonë në kompanitë e huaja të basteve. Janë dhjetëra kompani bastesh ilegale, që operojnë në tregun aziatik të cilat vendosin ndeshjet e kampionatit tonë.

PRECEDENTËT -Në mars të të vitit të kaluar, Komisioni i Disiplinës pranë FSHF-së, nisur edhe nga dyshimet e FIFA-s, zhvilloi një seancë investigimi ndaj 18 zyrtarëve (delegatë, vëzhgues, gjyqtarë, asistentë), por asnjë prej tyre nuk pranoi se kishte parë diçka të dyshimtë në tri ndeshjet e konsideruara të dyshuara. Ndeshjet e dyshuara ishin Dinamo-Skënderbeu 1-3, Shkumbini-Bylisi 4-2 dhe Flamurtari- Elbasani 4-0.

 

13 dhjetor 2011 - UEFA dërgoi në Federatën Shqiptare në raportin e parë në muajin në lidhje me 14 ndeshje të konsideruara të trukuara.

 

20 janar 2012 - Në raportin e dytë të qeverisë së futbollit europian, të dërguara në janar të këtij viti, në listë janë 10 ndeshje.

5 mars 2012 - Në raportin e tretë të saj brenda tre muajve, të dërguar në muajin mars, ishin përfshirë dy ndeshje dhe katër skuadra të Superligës.

 

 

Fiton ekipi vendës dhe shënohen më shumë se tre gola. Konkluzioni: E fiksuar.

 

Ekipi udhëtues është një mbeturinë dhe thjesht pëson gola për të fituar para. Konkluzioni: 100 % e fiksuar.

 

E përcaktuar që do të dilte 0-2. Konkluzioni: E korruptuar, madje në mënyrë të qartë.