Në lidhje me finalen e edicionit të 60-të të Kupës së Shqipërisë, atë midis Skënderbeut dhe Tiranës, Hafizi, e ka marrë detyrën e trajnerit të Kombëtares, më 29 mars 1997, duke pasuar në bankinë Neptun Bajkon, dhe e ka dorëzuar më 9 tetor 1999, duke ia la vendin Medin Zhegës, tha se “shanset për të dyja ekipet janë 50% me 50%”. Rënien për herë të parë të Dinamos në Kategorinë e Parë, Hafizi, i cili i ka drejtuar blutë për disa javë para disa sezonesh, e konsideron jo si “surprizë’. Hafizi si lojtar ka fituar titullin kampion me Vllazninë, në sezonin 1997-1988, me trajner Xhevdet Shaqirin, ndërkohë që si trajneri ka fituar me Vllazninë, titullin në sezonin 1991-1992. Gjatë karrierës së tij ka drejtuar përveç Vllaznisë, edhe Dinamon dhe Tiranën. Hafizi ka ndjekur shkollën më të famshme të futbollit në botë, Koverçanon, në Itali, në të cilën kanë qenë edhe Edmond Gëzdari, Sulejman Mema, Kreshnik Agolli, etj.

 

 

Sigurisht, që gara e ngushtë midis Skënderbeut dhe Teutës, përfshirë këtu edhe Tiranën, pavarësisht se është pak prapa në pikë, është një gjë e bukur. Javët e fundit kanë prodhuar jo pak befasi, me përmbysje renditjesh, sidomos në kreun e Superligës, ku herë kemi parë Tiranën, herë Teutën dhe tani sërish Skënderbeun në krye të renditjes. Të paktë ishin ata që mund ta parashikonin atë që ndodhi këtë fundjavë, ku të gjitha kryesueset, me përjashtim të Flamurtarit të barazonin. Të dyja skaudrat do të tregojnë kujdes maksimal në ndeshjet e tyre të mbetura. Them se, Teuta e pati shansin për të qenë ajo favoritja kryesore për titull, por nuk arriti ta mbajë presionin, duke gabuar në dy ndeshjet e fundit (humbi me Laçin dhe barazoi me Kamzën). Mendoj se Skënderbeu, duke qenë se është dhe një pikë më shumë se Teuta, kur kanë mbetur vetëm dy ndeshje ka më shumë shanse për titull. Të patën, kështu gjykoj unë.

Patjetër që, po. Për Apoloninë dhe Pogradecin, dy skuadra që janë në fund të rënditjes, këto takime janë për “jetë a vdekje”. Edhe ato kanë shanset e fundit për të kapur përfundimisht një vend në “plejaut”. Gjithsesi, fakti që Skënderbeu dhe Teuta luajnë në shtëpitë e tyre, dhe për më tepër që kanë formacione me cilësore, padyshim që shanset për sukses janë të atyre. Si Skënderbeu dhe Teuta kanë si objektiv të vetëm fitoret, pasi tani nuk të lejohen më hapat fals.

Për të qenë i sinqertë, me gazetën tuaj si dhe me opinionin sportiv, për mua nuk është surprizë rënia e Dinamos. Ajo nuk u ndërtua për të fituar. Pati shumë peripeci qysh në krijimin e skuadrës dhe ecuria e saj në kampionat u shoqërua me një problematikë të shumtë dhe të gjithanshme, duke filluar nga ato financiare dhe deri organizative. Rënia e Dinamos ka një ngjashmëri absolute me atë të Partizanit. Tani dy skuadrat e kryeqytetit, e që kanë fituar 33 tituj kampionë së bashku do të luajnë në Kategorinë e Parë. Janë dy nga skuadrat më me traditë futbollistike në Shqipëri, dhe nuk është një gjë e mirë që tani do të jenë pjesë e kategorive inferiore. Gjithsesi, e përsëris, rënia e Dinamos ishte e paralajmëruar, pasi gjatë gjithë sezonit ajo ishte në vendin e fundit.

Duke parë dhe renditjen, Skënderbeu, Teuta dhe Tirana kanë bërë një kampionat më të mirë, ndërsa për mua zhgënjyese, përveç Dinamos, kanë qenë rezultatet e Flamurtarit dhe të Vllaznisë. Skënderbeu, vërtet e nisi keq sezonin, por javë pas jave diti, edhe falë lojtarëve që ka, të marrë maksimumin e pikëve, duke dalë dhe në krye. Edhe sezoni i Teutës do ta konsideroja si më të mirin e saj në vitet e fundit. Tirana ka gabuar në ndonjë moment të papërshtatshëm për të. Flamurtari, me investimet që ka bërë, si nga ana financiare ashtu dhe nga grupi i lojtarëve, them se ka zhgënjyer, pasi të gjithë prisnin më shumë, pavarësisht se e shoh skuadrën vlonjate në Europë. Më vjen keq, për performancën e Vllaznisë, pasi prisja më shumë. Nuk duhet të harrojmë edhe disa lojëra të mira të Kastriotit, që arriti deri në katërshen e Kupës së Shqipërisë, apo dhe të Laçit. Ndeshje të mira të veçanta kanë bërë edhe ekipet e tjera.

Për mendimin tim, duke qenë një ndeshje teke, midis dy skuadrave thuajse të barabarta, atëherë shanset janë 50% me 50%. Gjithsesi, duke qenë se finalja zhvillohet pas përfundimit të kampionatit, ku është zgjidhur edhe çështja e titullit, pres të shoh një Skënderbe më agresiv, i cili do të pretendoj për të fituar të dy trofetë sezonalë. Megjithatë, deri më 17 maj ka ende kohë për të bërë një analizë më të hollësishme.