Superliga, nga titulli te mbijetesa

Thuajse e njëjta histori u përsërit edhe këtë sezon: Teuta dhe Tirana kryesuan deri në javën e 19-të, ndërkohë që tani kryesues është Skënderbeu. Në javën e 23-të, Skënderbeu fitoi me Vllazninë (2-1) në Korçë, ndërkohë që Teuta dhe Tirana humbën respektivisht me Laçin (1-0) të vendit të 8-të dhe Dinamon e vendit të fundit. 

Kur kanë mbetur edhe tri ndeshje nga përfundimi i sezonit 2011-2012, renditja e tri të parave: Skënderbeu, 50 pikë; Teuta, 49 dhe Tirana, 46. Pra të tria skuadrat kanë shanse teorike, pasi në lojë janë 9 pikë. 

Më e dizavantazhuar është Tirana. Në fakt, kampionatin e komandojnë korçarët, të cilët i kanë të gjitha shanset për të fituar titullin e tretë në historinë e tyre. 

Duke i parë tri ndeshjet e mbetura, Skënderbeu ka një ndeshje në shtëpi dhe dy në transfertë; Teuta ka dy ndeshje në shtëpi dhe një ndeshje në transfertë, dhe, Tirana ka dy ndeshje në shtëpi dhe një ndeshje në transfertë. Kalendari i ofron Skënderbeut këto takime: java 24, Bylis-Skënderbeu (në fazën e parë Skënderbeu-Bylis 3-2 ); java 25, Skënderbeu-Apolonia (në fazën e parë Apolonia-Skënderbeu 1-5) dhe në javën e 26-të, Pogradeci-Skënderbeu (në fazën e parë Pogradeci-Skënderbeu 0-3), duke qenë tani favoriti kryesor për të fituar titullin kampion. 

Teuta, me “vetëvrasjen” në Krujë ndaj Laçit, tani duhet të shpresojë të ndonjë hap tjetër fals i kampionë në fuqi, ashtu siç bënë në Vlorë me Flamurtarin, ku Skënderbeu humbi 1-0. 

Teuta do të përballet në tri javët e fundit me Kamzën (në Durrës. Faza e parë: Kamza-Teuta 1-2), Pogradecin (në Dyrrës. Faza e parë: Pogradeci-Kastrioti 1-2) dhe Kastriotin (në Krujë: Faza e parë: Teuta-Kastrioti 1-1). 

Në rast se Skënderbeu dhe Teuta e përfundojnë kampionatin me pikë të barabarta, titullin e fitojnë durrsakët, për shkak të bilancit të takimeve direkte midis tyre: Teuta-Skënderbeu 0-0 (fazë e parë) dhe Skënderbeu-Teuta 0-1 (faza e dytë).  

Me Skënderbeun dhe Tiranën, që do të diskutojnë midis tyre finalen e Kupës së Shqipërisë, Teutën e shkëputur qartësisht nga vendi i katërt, që të çon në Europë, do të jenë Flamurtari dhe Kastrioti ato që do të diskutojnë midis tyre biletën e pjesëmarrjes në Ligën e Europës. Vlonjatët kanë 39 pikë, dy më shumë se Kastrioti (37). Në fakt, si Flamurtari, ashtu dhe Kastrioti jo të lehtë: Dinamo, Shkumbini dhe Laçi për vlonjatët; Laç, Kamza dhe Teuta për Kastriotin. Pra, me skuadra që ose luftojnë për mbijetesë, apo për të mos rënë nga kategoria, apo dhe për titullin kampion si në rastin Kastrioti-Teuta. 

Janë gjashtë skuadra që ose janë, ose rrezikojnë të bien në këtë zonë: Vllaznia, Bylisi, Laçi, Shkumbini, Tomori dhe Kamza. Nga e para, Vllaznia (30 pikë) dhe deri tek e fundit, Kamza (25) kanë një diferencë prej pesë pikësh, pra të gjitha janë lojë teorikisht. Mundësitë për të dalë nga kjo zonë i kanë katër të parat: Vllaznia, Bylisi, Laçi, Shkumbini.

Pogradeci, Apolonia dhe Dinamo luftojnë për të shmangur rënien direkt dhe kapjen e një vendi në zonën “plejaut”. Situata është kjo: Pogradeci, 18 pikë; Apolonia, 17 dhe Dinamo e fundit, me 13 pikë. Java e 24-t propozon sfidën direkte Pogradeci-Apolonia. Nga rezultati i kësaj ndeshje do të varet edhe fati i dy skuadrave. Dinamo përballet me Flamurtarin në Vlorë.

Skëndërbeu 50

Teuta 49

Tirana 46

Flamurtari 39

Kastrioti 37

Vllaznia 30

Bylisi 30

Laçi 30

Shkumbini 30

Tomori 26

Kamza 25

Pogradeci 18

Apolonia 17

Dinamo 13

KATEGORIA SUPERIORE

Pogradeci-Apolonia

Bylis-Skënderbeu

Vllaznia-Tomori

Flamurtari-Dinamo

Tirana-Shkumbini

Kastrioti-Laçi

Teuta-Kamza

Teuta-Pogradeci

Kamza-Kastrioti

Laçi-Tirana

Shkumbini-Flamurtari

Dinamo-Vllaznia

Tomori-Bylis

Skënderbeu-Apolonia

Pogradeci-Skënderbeu

Apolonia-Tomori

Bylis-Dinamo

Vllaznia-Shkumbini

Flamurtari-Laçi

Tirana-Kamza

Kastrioti-Teuta