(AS) - NYON, 16 mars 2012 - Atletiko Bilbao u shortua në çerekfinale e Ligës së Europës kundër Shalke 04, pasi mundi Mançester Junaitid në raundin e një të tetave.
Formacioni Marselo Bielsës befasoi “Djajtë e kuq” me një fitore 3-2 në “Old Traford” në ndeshjen e parë javën e kaluar, përpara se t’i mposhte sërish kampionët e Premier Ligës me një fitore 2-1 të enjten në mbrëmje.
Nga ana tjetër, Sportingu i Lisbonës, që eliminoi Mançester Sitin, do të përballet me Metalist Kharkiv. Atletiko Madrid do të luajë kundër Hanoverit të Altin Lalës, ndërsa AZ Alkmar me Valencian.
Ndeshjet e para do të luhen, më 29 mars, ndërsa ato të kthimit më 5 prill.
Fituesi i çiftit midis Atketikos dhe Hanoverit do të takohet me fituesin e përballjes midis AZ Alkmar dhe Valencias në gjysmëfinale, ndërsa që njëri midis Sportingut ose Metalistit do të ndeshjet me fituesin e çiftit Shalke-Atletik Bilbao në gjysmëfinalen tjetër.
Ndeshjet e para gjysmëfinale do të zhvillohen, më 19 prill ndërkohë që ato të kthimit janë të programuara për 26 prill.
Finalja e Ligës së Europës do të luhet në Bukuresht, Rumani, më 9 maj 2012.
LIGA E EUROPËS
ÇEREKFINALET
1 AZ-Valencia
2 Shalke-Atletik Bilbao
3 Sporting-Metalist
4 Atletiko Madrid-Hanover
GJYSMËFINALET
5 Atletiko Madrid/Hanover-AZ/Valencia
6 Sporting/Metalist- Shalke/Atletik Bilbao
FINALJA
Fituesi 5-Fituesi 6
