Portieri shqiptar i Novarës ishte heroi i skuadrës së tij, në fitoren 1-0 ndaj Interit në “San Siro”, në ndeshjen e vlefshme për javën e 23-të Serisë A. Ujkani ndaloi Pacinin të shënonte golin e barazimit, pikërisht në limitet e ndeshjes, duke i garantuar fitoren e dytë ndaj zikaltërve, teksa më parë Novara kishte fituar 3-1 me Interin.
Përshkrimi i Goal.com për Ujkanin: “Novara shokoi Interin në atë fitore 1-0 në ‘San Siro’ në Serinë A, ditën e diel, dhe Samir Ujkani ishte një figurë kyçe në atë triumf. Zikaltërit i ushtruan një presion të madh mbrojtjes së Novarës, por portieri shqiptar ua zhvlerësoi të gjitha përpjekjet, duke bërë një pritje të klasit botëror në atë gjuajtje të Xhampaolo Pacinit në kohën shtesë”.
Në listën e protagonistëve janë disa nga emrat më të mëdhenj të futbollit europian dhe botëror, si Kristiano Ronaldo i Realit të Madridit (autori i një triplete kundër Levantes dhe shënoi golin me numër 4000 të Realit në shtëpi); Uejni Runi i Mançester Juanitid (dopjetë); Emanuel Adebajor i Totenhemit (dha katër asistë dhe shënoi një gol).
Lista vazhdon me Raul Garsia i Osasunës, lojtarit kyç në fitoren 3-2 ndaj Barcelonës (një asist dhe një gol), Shahri Ishak i Lions XII të Singaporit (3 gola); Xhon Guideti i Fejenordit (tre gola në tri ndeshje rresht në ndeshjet në shtëpi); Shinji Kagaua i Borusias së Dortmundit (dy gola në dy ndeshje e fundit).
Lojtari më i mirë i botës i javës së 143-të u shpall portieri i Kombëtares së Zambias, Kenedi Muine, i cili priti penalltinë i Didier Drogbasë, në finalen e Kupës së Kombeve të Afrikës, Zambia-Bregu i Fildishtë (8-7 me penallti).
1-0 Novara-Inter by www4444
