"Po them 12 dhe jo 11 lojtarë (qesh). Në portë do luajë Ujkani. Në mbrojtje, Dallku, Cana, Teli dhe Vangjeli, në mesfushë, Skela, Agolli, Curri, Bulku e Lala dhe në sulm Salihi dhe Bogdani. U thashë 12 lojtarë pasi jam ende në dilemë mes Lalës dhe Bulkut. Do shikoj në seancën e sotme stërvitore reagimin e tyre dhe do mendohem mirë para se të bëj një zgjedhje, e cila jam i sigurt se do jetë zgjedhja më e mirë".
Kroati, trajneri më i suksesshëm në historinë e kuqezinjve, prej disa ditësh ka ndërtuar strategjinë e tij për të mos dalë i humbur në ndeshjen e tij të shtatë zyrtare në eliminatoret e Euro 2012-s, ndërkohë që “djemtë” e tij nuk humbasin prej katër sfidash në impianitin ndërkombëtare të kryeqytetit. “A do kënaqesha edhe me një barazim? Jo, jo s’para pëlqej që të jap të tilla parashikime. Unë po përgatis skuadrën për të ndalur Francën dhe pse jo për të fituar”, - tha Kuzhe në konferencën e tij për shtyp.
