2 herë kampionët e Shqipërisë (1983-1984, 2005-2006) ndodhen 9 pikë larg vendit të parafundit që mbahet nga Bylis.
Kanë mbetur edhe 12 ndeshje për tu luajtur dhe klubi nga "Ruzhdi Bizhuta" është në kërkim të trajnerit të tretë sezonal.
I pari, Krenar Alihmehmeti, u largua pas javës së 16-të; i dyti, serbo-boshnjaku, Esad Karishik, pas vetëm 5 javësh.
Shkarkimi i tij është punë orësh. Trajneri ndodhet për një vizitë familjare në Serbi.
Biletë pa kthim? Stërvitja e fundit u drejtua nga ndihmësi i tij, Ilirjan File.
Ndeshja e radhës nuk lë vend për shpresë për Elbasanin: do të luajë në Vlorë kundër Flamurtarit kryesues e që kërkon fitoren pas humbjes së djeshme me Skënderbeun.
