Per gazetaret bjelloruse, kombetarja e Shqiperise paraqet nje enigme: ajo nuk eshte nga ato qe zbret yjet nga qielli, por per surpriza eshte e gatshme. Sipas tyre, ne transferte shqiptaret mbrohen mire, ndersa ne \"shtepi\", te mbeshtetur nga tifozet, behen te papermbajtshem. Ne prag te ndeshjes se sotme ne Minsk, ne konferencen e shtypit te kampit vendas, para gazetareve kane dale presidenti i Federates, Nevigllas, trajneri Puntus dhe lideret e kombetares, Homutovski, Shtaniuk dhe Aleksander Hleb. Kane qene te pranishem dhe perfaqesuesit e firmes \"Puma\", qe per dy vjet do te jete furnizuesja e kombetares se Bjellorusise me uniforma dhe pajisje sportive. Madje, ne ndeshjen e sotme bjelloruset do te luajne per here te pare me fanellet \"Puma\". Presidenti i Federates ka shpallur objektivin e kombetares bjelloruse: te arrije ne fazen finale te Euro 2008. Pastaj, trajneri Puntus ka treguar per shqetesimet e tij ne prag te ndeshjes se pare, kur portieri Zhevnov nuk do te jete i gatshem, per arsye te demtimit, ndersa porten do ta ruaje Homutovski. Kurse sulmuesi Kirilenko, nje nder kandidatet kryesore per ne formacion, per kete ndeshje eshte i skualifikuar. Duke kaluar te kombetarja shqiptare, Puntus e ka karakterizuar ate si te forte, por aspak te pathyeshme. Sipas tij, kartat kryesore te shqiptareve jane fuqia fizike dhe qendrueshmeria. Trajnerit bjellorus i kane bere pershtypje sidomos sulmuesit shqiptare, me konstruktin shtatlarte te tyre. Mesfushori i Arsenalit, A.Hleb, eshte ankuar per motin me shi dhe gjendjen jo shume te mire te fushes, por premtoi se skuadra do te luaje per fitore. Kapiteni i ri i skuadres, Shtaniuk, u eshte referuar 13 pikeve te grumbulluara nga kombetarja shqiptare nen drejtimin e Brigelit, ndersa ka shtuar se edhe me Baric nuk do te paraqiten me keq. Kapiteni ka nenvizuar se ne kete ndeshje shqiptareve do t\'u kundervene disiplinen dhe zbatimin rigoroz te detyrave te trajnerit. Por ka kerkuar qe edhe fati te jete me ta... Pergatiti: M.J