Ndeshja e sotme, me Spanjen, e vlefshme per “Europianin 2008” te kombetareve U 21, do te jete nje perballje “ferri”, por kjo s’do te thote se eshte e pakalueshme. Kete mendim ka dhe trajneri i perfaqesueses Shpresa, Artan Bushati, i cili, pavaresisht se pranon veshtiresite e sfides, nuk mohon se te tijte mund te kene shansin qe te bejne ndonje mrekulli sot, ne “Selman Stermasi”. Sigurisht, ai e shikon si me favorite skuadren spanjolle, duke pare edhe kontigjentin e lojtareve qe ajo ka ne dispozicion, por ndeshja, sipas tij, luhet ne fushe dhe jo ne “leter”. “Do te jete nje perballje teper e forte, sepse dihet niveli i kundershtarit, ndaj te cilit do te luajme. Megjithate, pertej emrave, mendoj se ne fushe do te dalim te barabarte dhe ndeshja do te nise me rezultatin 0 0, per te dyja skuadrat. Cka do te thote se asnje nga skuadrat nuk eshte e avantazhuar”, ka thene Bushati, i cili, edhe pse pranon se ka perballe nje pengese shume te madhe, perseri e sheh si te mundur kalimin e saj. Nderkohe, duke u kthyer tek lojtaret, dje, rreth ores 14:30 ata kane zhvilluar stervitjen e fundit, perpara ndeshjes se sotme, ne Qendren sportive te ekipeve kombetare, ne Kamez. Ndersa sot, ne oren 15:30, ata do te dalin ne fushen e stadiumit “Selman Stermasi”, per t’u ndeshur me “toreadoret” e Saez.